Target ng pamahalaan na mapataas ngayong taon ang bilang ng mga Pilipinong makapagtatrabaho sa ibang bansa.
Ayon kay Department for Migrant Workers (DMW) Secretary Susan Ople, mayroong mga bansang nagpahayag ng interes para mag-hire ng mga Pilipino sa kanilang bansa.
Dagdag pa ng kalihim, wala pang kalahating milyon ang Overseas Filipino Workers (OFWs) ang na-deploy noong nakalipas na taon, kung kaya’t target umano ngayon ng kaniyang ahensya na madagdagan ito.
Samantala, inaasikaso na rin aniya ng DMW ang mga imbitasyon mula sa mga bansang nag hayag ng kanilang interes sa mga manggagawang Pilipino.
