Nanawagan si Pangulong Noynoy Aquino sa mga Filipino na sariwain ang kabayanihan ni Gat. Andres Bonifacio kasabay ng pagdiriwang ngayong araw ng kanyang 152 kaarawan.
Sa ipinadalang mensahe ni PNoy, kinilala nito ang naging kontribusyon ni Bonifacio partikular ang ipinamalas niyang tapang upang maipagtanggol ang bansa.
Kasabay nito, ipinagmalaki naman ng pangulo ang naidulot ng pagkakaisa para malabanan ang korapsyon at matamasa ang maganda umanong pagbabago sa bansa.
Tiniyak rin ng punong ehekutibo na paiigtingin pa ang paghahanap ng hustisya sa pagpapatuloy ng tuwid na daan ng administrasyon.
