Dalawang linggo pa ang maaaring abutin bago makauwi ng Pilipinas si Kiela Samson matapos nitong maaresto sa Myanmar.
Inaresto si Samson dahil umano sa nagawang paglabag nito sa immigration law ng nasabing bansa.
Ngunit giit ng pamilya ni Samson, walang balak magtrabaho roon ang dalaga at namasyal lang ito.
Suspetsa rin ng mga kaanak nito na nakumpiska ang telepono ni Samson dahil hindi ito ma-contact.
Samantala, ayon kay Atty. Donna Samson-Umil, huli nilang nakausap si Samson noong Enero a-18 bagama’t Enero a-20 pa dapat ito umuwi. – sa panulat ni Hannah Oledan
