Nagpahayag ng pagnanais na makauwi na ng Pilipinas si Negros Oriental 3rd District Representative Arnolfo Teves Jr.
Ayon sa mambabatas, nakipag-ugnayan siya sa kaniyang kaibigan at business partner na si Raymond Ablan, na sinasabing pinsan ni pangulong ferdinand “bongbong” Marcos jr. Dahil sa pagbabakasakali na kaniyang makakausap si PBBM.
Iginiit ni Cong. Teves, na gusto na niyang umuwi dahil namimiss na niya ang kaniyang bahay maging ang kaniyang alagang ibon.
Matatandaang umalis ng Pilipinas ang kongresista noong Pebrero para sa kaniyang stem cell treatment pero hindi na ito nakauwi ng bansa matapos sampahan ng kasong murder at ideklarang mastermind sa pagpatay kay negros oriental gov. Roel degamo at walong iba pa.
Sa ngayon, patuloy paring tinutukoy ng gobyerno kung saang lugar namamalagi si Cong. Teves.
