Nabulaga ang mga tauhan ng Northern Police District Drug Enforcement Unit, makaraang hagisan ng granada at pagbabarilin ang pintuan ng nasabing tanggapan na tumagos sa hagdanan ng nabanggit na tanggapan.
Ayon kay NPD-DEU Chief PMajor Dennis Odtuhan, nadamay ang ilang mga sasakyang nakaparada sa harap ng tanggapan.
Sinabi naman ng ilang saksi na tatlong motorsiklo sakay ang ilang kalalakihan ang nagpaulan ng bala, pinaputukan ng sunod-sunod ang tanggapan at naghagis pa ng granada sabay pinasibat ang mga sinakyang motorsiklo patakas.
Mahigpit namang pinaiimbestigahan ni NPD Director PBGen Rogelio Peñones Jr. ang pangyayari na maaaring ang gumawa nito ay ang mga nasa likod ng illegal drug activities na nahuli at mga natugis ng NPD dahil sa mahigpit na pagpapairal ng batas sa lungsod laban sa mga iligal na aktibidad at posibleng/ paghihiganti sa mga nasagasaan ng Northern Police District Command na sumasakop sa area ng CAMANAVA ( Caloocan, Malabon, Navotas at Valenzuela). – mula sa ulat ni Metro Patrol Beth Samson
