Nilagdaan na ni Senate President Juan Miguel Zubiri ang enrolled bill ng Maharlika Investment Fund Act.
Ginawa ni Senator Zubiri ang paglagda sa MIF Bill sa Philippine Embassy sa Washington D.C kung saan kasama rin sa iba pang enrolled bills na pinirmahan ng senate president ang estate tax amnesty extension act, at ang panukala na pagkilala sa Baler, Aurora, bilang birthplace ng Philippine Surfing.
Si Senator Zubiri ay nasa US ngayon para sa isinasagawang working visit at pulong kasama ang mga myembro ng us congress at iba pang government agencies.
Nagkataon din na kasama si Senate Secretary Renato Bantug sa delegasyon ng senado sa US kaya nabitbit nito ang kopya ng mif bill para malagdaan ng senador.
Kumpiyansa naman si Senator Zubiri na ang mga corrections na ginawa sa Maharlika Bill ay masusing natalakay ng mayorya sa mataas na kapulungan. - sa panunulat ni Jenn Patrolla
