Ibinida ng Department of Finance ang pinakamabilis na paglago ng ekonomiya ng Pilipinas kumpara sa mga kalapit bansa nito sa Asya.
Sa press briefing sa Malakanyang, sinabi ni Finance Secretary Benjamin Diokno na napanatiling matibay ng bansa ang posisyon nito hindi lamang bilang “One of the fastest” kundi “fastest growing economy” sa rehiyon.
Aniya, naunahan ng Pilipinas ang Vietnam, Indonesia, China, Malaysia at Singapore matapos makapagtala ng 5.5% na paglago ng ekonomiya.
Nabatid na ang magandang performance ng bansa ay nangyari sa harap ng magandang status din ng Asya bilang “Fastest growing economy” sa buong mundo. – sa panulat ni Jeraline Doinog mula sa ulat ni Gilbert Perdez (Patrol 13)
