Tuluy-tuloy pa rin ang pagtugis ng mga otoridad sa dalawang persons of interest sa nangyaring pagsabog sa Dimaporo Gymnasium sa Marawi City noong December 3.
Sa panayam ng DWIZ, nilinaw ni Armed Forces of the Philippines Spokesman Colonel Medel Aguilar na local terrorist group ang nasa likod ng pambobomba sa naturang lugar.
Nagsasagawa na aniya ang militar ng checkpoint operations sa mga lugar na maaaring daanan ng mga suspek palabas ng marawi.
Pinaalalahanan naman ni Colonel Aguilar ang publiko na huwag magpakalat ng mga impormasyon na magdudulot ng panic sa taumbayan. - sa panulat ni Maianne Palma
