Nanawagan si SINAG Executive Director Jayson Cainglet sa Department of Agriculture na suspindihin din ang pag-angkat ng manok sa gitna ng nararanasang mababang farmgate price ng poultry raisers kasunod ng pagsuspinde sa imported onions.
Ayon kay Cainglet, nagrekomenda sila ng moratorium para sa importasyon ng sibuyas bunsod ng mababang farmgate price nito.
Pinuri naman ng sinag official ang D.A Sa agarang aksyon nito sa pagsuspinde ng importasyon ng sibuyas.
Sinabi ni Cainglet, iminungkahi rin nilang tingnan ang farmgate price ng manok dahil halos kapareho na ng presyo nito ang halaga ng pag-aalaga ng manok.
Paliwanag pa ng opisyal, nahihirapan ang mga poultry raisers sa mga oversized chicken sa gitna ng pagbaha ng mga frozen imported products sa merkado. – sa panunulat ni Raiza Dadia
