Napa-#KiligMuch ang netizens sa valentine vlog na inilabas ng First Couple na sina Pangulong Ferdinand Marcos at First Lady Liza Araneta-Marcos nitong February 11.
Sa nasabing vlog, ibinahagi nina Pangulong Marcos at First Lady Liza ang mga detalye tungkol sa kanilang relasyon, pati na rin ang mga sikreto kung paano ito nananatiling matatag sa kabila ng iba’t ibang hamon.
Isa sa mga tanong ng netizens ay kung paano nababalanse ni Pangulong Marcos ang oras bilang pinuno ng bansa at pagiging asawa. Ang sagot ng Pangulo:
“Mahirap talaga ‘yong balanse dahil work takes up so much of our time. ‘Di lang naman ako pati si Liza ay marami talagang ginagawa. So we try to find… Five minutes here, twenty minutes there… Whatever the schedule allows, we take full advantage of it.”
Nagde-date pa rin ba ang First Couple kahit busy sa kanilang schedule?
“Yeah, we have date night every Wednesday. We choose restaurant to eat in. If he’s busy then he cooks, right? At home, but mostly we eat out and we try to talk about funny things to lessen the stress,” ayon sa First Lady.
Ano nga ba ang love language ng first couple? Sagot ng Pangulo:
“It’s not what little time there is in our both busy schedules to spend time with one another. It’s really time because that’s, of course, the most valuable thing in the world.”
Ano ang best qualities na nagustuhan nina Pangulong Marcos at First Lady Liza sa isa’t isa?
Para kay Pangulong Marcos, “She really takes care of us, the family: ako, at ‘yung tatlo naming anak. Hindi papayag si Liza na may problema; aayusin niya kaagad. You always know that she has your back.”
Sabi naman ng First Lady sa Pangulo, “I always tell people for someone so intelligent, you’re so kind, Bong. So patient, so mabait, always sees the good qualities in people, not a mean soul in your body. I know you love the country… I’m so proud of you.”
Ngayong Buwan ng mga Puso, nagbigay ng paalala si Pangulong Marcos sa publiko na maging puno ng pag-ibig at magkaroon malalim na pagmamahal sa pamilya at sariling bayan.
