Natagpuang walang buhay at nakatali sa puno ng niyog ang katawan ng isang pinaghihinalaang magnanakaw sa Sitio Ilagaya, Brgy. Putol, Dolores, Quezon.
Isang kagawad ng barangay ang nag-ulat sa mga pulis tungkol sa natuklasang bangkay sa liblib na sitio.
Agad namang nagtungo sa lugar ang mga pulis kung saan tumambad ang katawan ng biktimang nakatali sa puno ng niyog at may nakasabit na cardboard sign na nagsasabing, “Bawal ang Magnanakaw.”
Nakasuot ng dilaw na T-shirt at asul na short pants ang biktima.
Kasalukuyang nagsasagawa ng follow-up investigation ang mga pulis.
