45 dancers at nanonood sa Pakol Festival sa Sta. Catalina, Negros Oriental ang nawalan ng malay sa kompetisyon, sa gitna ng matinding init ng panahon.
Ayon kay Nurse Guian Jeif Anqui, in charge sa operations and warning ng Sta. Catalina Municipal Disaster Risk Reduction and Management Office, nangyari ito bago magsimula ang street dancing competition noong Miyerkules ng hapon.
Dagdag pa ni Nurse Anqui, ilan sa mga dancer ang nawalan ng malay bago mag-alas-dos ng hapon.
Matatandaang, batay sa datos ng Disaster Risk Reduction Management, umabot sa pagitan ng 40 degrees hanggang 41 degrees celsius ang heat index sa lugar. – sa panunulat ni Charles Laureta
