Patay ang isang negosyanteng lalaki makaraang barilin sa leeg ng karibal nito sa negosyo sa Tanza, Cavite.
Idineklarang dead on arrival sa ospital ang biktima na kinilalang si Lusvimer Ramos.
Nakatakas naman ang suspek na nakilala sa alyas na Kenneth.
Sa imbestigasyon ng pulisya, hinarang ng suspek ang biktima habang sakay ng kaniyang motor at walang kaabug-abog na binaril ng malapitan sa leeg.
Naitakbo pa sa ospital ang biktima subalit idineklara itong dead on arrival.
Ayon sa pulisya, may alitan ang dalawa sa kanilang hindi nabanggit na negosyo.
Hinahanap na ng mga pulis ang salarin na mabilis na tumakas bitbit ang baril na ginamit.
