Iniurong ng Department of Transportation (DOTR) sa Oktubre a-uno mula Agosto a-31 ang pagpapatupad ng bagong guidelines nito sa mga expressway toll gates.
Ayon kay Secretary Jaime Bautista, kabilang sa panuntunan ang pagmumulta ng mula 1,000-5,000 ng mga motoristang walang RFID na daraan sa mga toll gate.
Umaasa ang Transportation Secretary, na makatutulong ang 30 araw na palugit upang mailarga nang maayos at mas maipaalam sa publiko ang mga bagong guidelines.
Binigyang-diin naman ng Toll Regulatory Board (TRB), na makatutulong ang bagong memo upang mas mapabilis ang daloy ng trapiko sa mga toll plaza.