Nasa P363 million na halaga ng ayuda ang personal na ipinamahagi ni Pangulong Ferdinand Marcos Jr. sa higit 33,000 na mangingisda sa Cavite na naapektuhan ng oil spills.
Mula sa halagang ito, higit sa P161.5 million na tulong pinansyal ang ipinagkaloob ng Office of the President kay Cavite Gov. Jonvic Remulla, na siya namang gagamitin upang mabigyan ng tig-P5,000 ang bawat mangingisda sa Cavite na lubhang naapektuhan ng serye ng oil spills sa Bataan.
Bukod rito, nagpaabot din ng iba’t ibang tulong at serbisyo ang Bureau of Fisheries and Aquatic Resources (BFAR), Department of Social Welfare and Development (DSWD), Department of Labor and Employment (DOLE), at Department of Health (DOH) para sa mga mangingisda at kanilang pamilya.
Kaugnay nito, idineklara ni Pangulong Marcos na maaari na muling mangisda sa Cavite dahil wala ng oil spill.
Labis naman ang pasasalamat ng pangulo sa mga mangingisda. Pagtitiyak niya, patuloy niya silang susuportahan at tutulungan.