Dead on the spot ang isang lalaki matapos pagbubugbugin ng suspek sa isang bakanteng lote sa likod sa Dasmarinas City sa Cavite.
Kinilala lamang ang biktima sa alyas na Andro dahil sa mga tinamong bugbog sa katawan.
Salaysay ng mga saksi, nakita ang biktima at suspek na nagtatalo sa isang banko sa nasabing lugar hanggang sa nagtungo ang dalawa sa madilim na bahagi ng bakanteng lote ng nasabing establisyemento ngunit ang suspek na lang umano ang nakita nilang lumabas sa lugar.
Nang umano’y i-check nila ang biktima, nakahandusay na ito at wala ng buhay.
Kaagad namang naaresto ang suspek sa isinagawang follow-up operation ng pulisya
Inaalam pa ng pulisya ang pinag-ugatan ng kanilang pagtatalo na nauwi sa pagkasawi ng biktima.
