Nauwi sa pananaga ang isang simpleng inuman sa Calasiao, Pangasinan.
Ayon sa pulisya, nagkaroon ng mainitang pagtatalo ang dalawang lalaki, dahilan upang umalis ang 52-anyos na lalaki.
Nang bumalik, armado na ito ng bolo, at hinamon ang kanyang 82-anyos na kapitbahay.
Hindi naman nagpatalo ang matandang lalaki at kumuha umano ng kutsilyo.
Tumindi pa ang tensyon nang umatake ang binata, dahilan para matumba ang biktima, kung saan hinampas niya ito ng bolo.
Kapwa nagtamo ng sugat ang dalawa sa hamunan ng talas ng kanilang patalim.
Mabilis namang naawat ang dalawa at parehong dinala sa ospital para malapatan ng lunas.
Sa kabila ng marahas na insidente, inayos umano ng dalawang partido ang kanilang hindi pagkakaunawaan.
