Hindi kuntento si Senate Committee on Women, Children, Family Relations and Gender Equality Chairman Risa Hontiveros sa mga sinabi ni dismissed Bamban, Tarlac Mayor Alice Guo.
Ito’y binigyang-diin ni Senador Hontiveros, matapos ang isinagawang executive session ng senado kaugnay ng imbestigasyon sa iligal na operasyon ng POGO sa bansa.
Sa kabila nito, ayon sa mambabatas ay may ibinunyag na “crucial personality” si Guo.
Dahil dito, nakumpirma aniya nila ang matagal nang alegasyon ng kanilang komite sa kung sino pa ang ibang sangkot sa POGO operations sa bansa.
Gayunman, hindi pa isiniwalat ng mambabatas kung sino ang tinukoy na “crucial personality” ni Guo.
