Pinalagan ni dating senador Leila De Lima ang naging bansag sa kaniya noon bilang ‘Mother of All Drug Lords.’
Sa interpelasyon ni House Committee on Public Order and Safety Chair Dan Fernandez kay dating pangulong Rodrigo Duterte kung sang-ayon sya sa pagsasalarawan ng ilang mga dating opisyal ng pamahalaan kay De Lima iginiit ng dating pangulong na binabati niya ang mga dating opisyal ng pamahalaan sa kanilang naging mga pahayag.
Matapos ito, binigyan-diin ni De Lima na abswelto siya sa tatlong kasong isinampa sa kaniya kaugnay sa iligal na droga.
Ipinunto pa ng dating senador na hindi na maibabalik pa ang hirap na dinanas niya sa piitan sa loob ng halos pitong taon. – Sa panulat ni Kat Gonzales
