Laman ng halos lahat ng telebisyon, dyaryo, at online news sa buong mundo ang banta ni Vice President Sara Duterte na pinapapatay nito sa isang “hitman” sina Pangulong Ferdinand Marcos Jr., Frist Lady Liza Araneta-Marcos, at House Speaker Martin Romualdez.
Inilabas ng mga TV at inilathala naman ng mga online news ang mga pahayag ni VP Sara sa isang press conference habang nasa loob ng opisina ng kanyang kapatid na si Cong. Paolo Duterte sa House of Representatives.
Nangako naman na ang Armed Forces of the Philippines sa pamamagitan ng hepe nito na si Gen. Romeo Brawner na mananatili itong nasa gitna lang at patuloy nitong susundin ang civilian authority sa pangunguna ni Pangulong Marcos Jr. bilang commander-in-chief nila. – Sa panulat ni Jeraline Doinog
