Buo na ang Impeachment Secretariat ng Kamara na tutulong sa House Prosecution team sa paglilitis ng senate Impeachment Court kay Vice President Sara Duterte.
Itinatag ang Secretariat alinsunod sa memorandum order no. 19-1006 na inilabas ni House Secretary General Reginald Velasco.
Iginiit ni Velasco na susunod ang mga itinalagang kawani sa mahigpit na patakaran at etikang alituntunin ng kamara upang matiyak ang transparency at propesyonalismo sa buong proseso.
At upang matiyak ang pananagutan, magre-record ang lahat ng itinalagang kawani sa Senado ng kanilang pagdalo gamit ang itinakdang housepass monitoring system at ang pamamahalaan ng kani-kanilang tanggapan ang kanilang mga iskedyul.
Binubuo ang Impeachment Secretariat ng mga kawani mula sa iba’t ibang departamento ng Kamara tulad ng Office of the Secretary General, Office of the Sergeant-at-Arms, Legislative Operations department at Legal Affairs department.—sa panulat ni Kat Gonzales
