Tiniyak ng Metropolitan Waterworks and Sewerage System na walang inaasahang water shortage sa Metro Manila sa paparating na summer season.
Ayon kay MWSS Engineering and Technical Operations Group acting Deputy Administrator Patrick James Dizon, ito’y bunsod ng mataas na yearend evaluation.
Kumpyansa anya sila na walang shortage na manyayari kahit pa tumaas ang demand sa tubig dahil malabo ring umabot sa critical level na 180 meters ang water level sa angat dam sa summer.
Binigyan-diin pa ni Dizon na kung magpapatupad man ng water interruption dahil lamang ito sa regular plant maintenance; valve activities, at leak repair. —sa panulat ni Kat Gonzales
