Laganap pa rin ang korupsyon sa lahat ng sangay ng pamahalaan.
Ito’y batay sa pag-aaral ng UN Committee on Economic; Social and Cultural Rights na pinamagatang ‘concluding Observations on the Philippines’ Implementation of the International Covenant on Economic, Social and Cultural Rights’.
Bukod pa rito, nakita rin na ang ilang ahensya ng pamahalaan na dapat na sumusugpo sa katiwalian tulad ng Office of the Ombudsman at Commission on Audit ay kulang sa financial at technical resources upang mabisang maimbestigahan ang lahat ng naturang mga paratang.
Dahil dito, inirerekomenda ng UN na dapat na imbestigahan at usigin mabuti ang lahat ng kaso ng katiwalian sa pamahalaan at magpataw ng mas mabibigat na parusa kaugnay sa nasabing kaso.
Bukod pa rito, iginiit ng Komite na dapat mas maging epektibo ang mga hakbang na mga anti-corruption body sa paglansag sa korupsyon.—sa panulat ni Kat Gonzales
