Iginiit ng International Criminal Court-Accredited Lawyer na si Atty. Joel Butuyan na mahihirapan ang mga legal counsel ni dating Pangulong Rodrigo Duterte dahil ang pinakamalaking witness sa kasong ito ay ang dating pangulo mismo.
Ayon kay Atty. Butuyan, mismong si dating Pangulong Duterte na ang nagbibigay ng bala sa prosecution na itatama sa kanya.
Kumpyansa anya siya na selyado ang mga ebidensyang hawak ng prosecution at mananalo sila sa conviction sa laban na ito.
Dagdag pa ni Atty. Butuyan, magiging isang kasaysayan ang kaso ni Duterte dahil bilang akusado, ito mismo ang nagpadali sa kanyang sariling paghahatol.
Matatandaang ilang beses umamin si dating Pangulong Duterte na siya ang nag-utos sa mga pulis na patayin ang mga suspek sa panahon ng drug war sa administrasyon nito.—sa panulat ni Alyssa Quevedo
