Posibleng ginamit ni dating Presidential Spokesman Harry Roque ang kaparehong backdoor exit sa Tawi-Tawi na ginamit ni dating Bamban, Tarlac Mayor Alice Guo para makapuslit palabas ng Pilipinas.
Sa pagdinig ng Senado, ibinunyag ni immigration Commissioner Joel Viado na nakita pa ai Atty. Roque sa tawi-tawi, umaga ng September 2, 2024, dalawang araw bago ito dumating sa United Arab Emirates.
Dahil wala aniyang record ang B.I. sa pag-alis ng dating Palace Official, kumbinsido silang dumaan ito sa kaparehong ruta na ginamit ng dating alkalde.
Bagama’t hindi pa kumpirmado ang jump-off point ni dating Mayor Guo sa Pilipinas, sinabi ni commissioner viado na madaling makaalis ang mga indibidwal na may kinalaman sa pogo sa bansa dahil sa maluluwag na borders.
Matatandaang nahaharap sa arrest order si Atty. Roque dahil sa makailang ulit na pang-i-isnab sa pagdinig ng Kamara kaugnay sa Philippine Offshore Gaming Operators o POGO. —sa panulat ni Laica Cuevas
