Pinagko-komento ng Korte Suprema sina Davao 1st District Representative Paolo Duterte, Davao City Mayor Sebastian Duterte, at Veronica “Kitty” Duterte kaugnay sa naging sagot ng Department of Justice.
Patungkol ito sa consolidated o pinag-isang petition for habeas corpus ng magkakapatid na Duterte na humiling na pabalikin na sa Pilipinas ang kanilang ama na si dating Pangulong Rodrigo Duterte.
Sa special session ng Supreme Court En Banc, sinabi ni Supreme Court Spokesperson Atty. Camille Ting na binigyan lamang ng limang araw ang magkakapatid na Duterte para magsumite ng kanilang komento.
Nilinaw naman ng Korte Suprema na hindi ibig sabihin nito na kinatigan o ibinasura ng kataas taasang hukuman ang petisyon ng magkakapatid.
Inatasan din ng supreme Court ang mga opisyal ng pamahalaan sa pangunguna ni Executive Secretary Lucas Bersamin, na mag-komento sa loob ng sampung araw, kaugnay naman sa apela ni dating Pangulong Duterte at Senator Ronald Dela Rosa sa kanilang petisyon na maglabas ang high court ng temporary restraining order sa pagkaka-aresto sa dating presidente. —sa panulat ni Laica Cuevas
