Inaasahan ang magandang serbisyo sa internet connectivity ng bansa sa mga darating na buwan.
Sa Malacañang briefing, sinabi ni Palace Press Officer at PCO Undersecretary Claire Castro na posibleng sa buwan ng Hunyo, mararamdaman na ng taumbayan ang internet connection enhancement.
Hindi naman nagbigay ng karagdagang detalye hinggil dito si Usec. Castro, ngunit nagpahiwatig ito kaugnay sa magandang serbisyo na ihahatid sa taumbayan.
Sinabi pa ng opisyal na malinaw naman na itinuturing na mahalagang proyekto ni Pangulong Ferdinand Marcos Jr., ang magandang internet connection, sa pagsusulong ng digitalization.—ulat mula kay Gilbert Perdez (Patrol 13)
