Humirit ng imbestigasyon ang Commission on Human Rights o CHR hinggil sa mga pahayag ni Davao City Mayor Rodrigo Duterte na nakapatay na ito ng mga kriminal.
Ayon kay CHR Chairman Chito Gascon, ang pag-amin ni Duterte ay indikasyon na kailangang gumawa ng ligal na hakbang upang mapanagot sa batas.
Pag-aaralan aniya ng komisyon ang anumang ebidensya na kanilang hawak.
Nanawagan din ang CHR sa Department of Justice na magsagawa ng malalimang imbestigasyon kung sapat na ang mga ebidensya upang maghain ng kaukulang reklamo o kaso laban sa alkalde.
Naniniwala naman si Gascon na hindi dapat ilagay ng sinuman sa kanilang kamay ang batas kahit pa ang kanilang intensyon ay parusahan ang mga kriminal.
By Drew Nacino
