Tigilan na ang paninira at pagsisinungaling laban sa akin.
Ito ang Christmas wish ng presidential aspirant na si Vice President Jejomar Binay.
Pati aniya ang pamemersonal ay dapat ding ihinto na dahil ito ang nagiging dahilan ng pagkakahati-hati ng bansa.
Giit ng Bise Presidente, kung ang NPA at ang pamahalaan ay may ceasefire sa isa’t isa, sana ay meron din aniyang ganito sa larangan ng pulitika.
Ang dapat na maghari ayon kay Binay ay ang kapayapaan.
Magugunita na ngayong taon, tila hindi natapos ang bangayan ng administrasyon at oposisyon kung saan bahagi si Binay at inaasahang mas titindi pa ang patutsadahan ng dalawang kampo habang papalapit ang eleksyon 2016.
By Allan Francisco
