Nanguna si Los Angeles Lakers guard Kobe Bryant sa 1st round ng botohan ng mga basketball fans para makapaglaro sa 65th NBA All Star game.
Ito’y sa kabila ng ginawang pag-anunsyo ni Kobe na siya ay magreretiro na at ito na ang kanyang huling season sa NBA.
Sa inilabas na resulta ng botohan ng NBA, nakakuha si Kobe ng 719,235 votes.
Pumangalawa sa kanya si reigning NBA most valuable player Stephen Curry ng Golden State Warriors sa 510,202 votes at pumangatlo si Lebron James ng Cleveland Cavaliers na nakakuha ng 357,937 votes.
Nangunguna sa Western Conference front court sina Kobe Bryant, Kevin Durant at Blake Griffin.
Habang sa Western Conference guards naman Top 2 sina Stephen Curry at Russel Westbrook.
Para naman sa Eastern Conference front court, pasok sa Top 3 sina Lebron James, Paul George at Andre Drummond.
Para sa guards ng East nanguna sa botohan sina Dwayne Wade at Kyrie Irving.
Matatagal ang botohan hanggang Jan. 18 habang ang kumpletong line up ng NBA All Star game ay iaanunsyo sa Enero 21.
Gaganapin ang NBA all star game na Toronto, Canada sa February 14 2016.
By Jonathan Andal
