Nangako ng tulong ang pamahalaang panlalawigan ng Pampanga sa naulilang pamilya ng Overseas Filipino Worker na si Joselito Zapanta
Ayon kay Eliza Muñoz, pinuno ng Pampanga Action Center for OFW Concerns, inatasan na sila ni Pampanga Gov. Lilia Pineda para alamin ang mga pangangailangan ng pamilya ni Joselito na taga- Bacolor.
Ilan sa mga tulong na kanilang ihahatid ay ang pagkain para sa mga isasagawang vigil gayundin ang tulong pinansyal para sa pamilya.
Maliban dito, pinasisiguro rin ng Gubernadora ang kinabukasan ng mga anak ng yumaong OFW.
Binitay si Zapanta matapos hindi maibigay ang kinakailangang blood money sa pamilya ng napatay nitong Sudanese national.
By: Jaymark Dagala
