Walang pagsidlan ng tuwa ang tinaguriang pambansang bae na si Alden Richards nang sorpresahin ito ng kaniyang ka-love team na si Yaya Dub sa noontime show na Eat bulaga kahapon.
Tatlong sorpresa ang inihanda ni Maine Mendoza para kay Alden na nagdiriwang ng kanyang ika-24 na kaarawan ngayong araw na ito.
Una, inawitan ni Maine si Alden sa saliw ng kantang The Closer I Get To You na sinundan naman ng pagpapakita ng ginawa nitong Maine-bow cake.
At ang huli, ang kakatwang performance ni Jose Manalo kung saan, sumayaw ito ng nakabahag na sinasabing sinayaw din ni Alden nang sumali ito sa isang pageant.
Hindi na napigilang maging emosyonal ng pambansang bae nang hingan na ito ng mensahe at nagpasalamat sa kanyang yumaong ina, mga fans at kay Maine.
Sa huli, pormal na ring ipinakilala ni Alden sa kanyang ama si Maine.
By Jaymark Dagala
