Inamin ni Filipino boxing champion Manny Pacquiao na magreretiro na siya pagkatapos ng kanilang laban ni Timothy Bradley sa darating na Abril 9.
Ayon kay Pacquiao, ito ay upang mapagtuunan niya ng pansin ang kanyang political career.
Dahil dito, malabo na umanong mailatag pa ang inaabangang rematch sa pagitan nina Pacquiao at Floyd Mayweather, Jr.
Itinanggi rin ng pambansang kamao ang napaulat na hindi siya magreretiro hangga’t hindi natutuloy ang kanilang rematch ni Mayweather.
Sinasabing kumpiyansa naman si Pacquiao na makakakuha ito ng upuan sa senado sa darating na May elections.
By Jelbert Perdez
