Isinalang ng Korte Suprema sa preliminary conference ang disqualification case laban kay Senador Grace Poe.
Ayon kay Atty. George Garcia, isa sa mga abogado ni Poe, tinatalakay sa preliminary conference ang mga isyung dapat pag-usapan sa oral arguments ng isang kaso.
Dito na rin anya minarkahan ang mga ebidensya ng magkabilang panig at naglalatag ng mga mungkahing issues na dapat pag-usapan sa oral arguments.
Sinabi ni Garcia na naibigay na rin sa kanila ng mga mahistrado ng Supreme Court kung anong mga isyu ang nais nilang marinig upang mas maging mabilis ang takbo ng oral arguments na nakatakda sa Martes, January 19.
Samantala, sinabi ni Garcia na dadalo sa oral arguments ng kanyang kaso si Senador Grace Poe.
By Len Aguirre
