Pinasabugan ng armadong grupo ang transmission tower ng NGCP o National Grid Corporation of the Philippines sa bayan ng Aleosan sa North Cotabato.
Ayon kay Supt. Bernard Tayong, tagapagsalita ng Cotabato Police Provincial Office, tinangkang pabagsakin ng mga suspek ang NGCP Tower 63 pasado alas-12:00 kaninang madaling-araw, gamit ang improvised explosive device o IED.
Hindi naman napatumba ang tower, subalit nangkaroon ito ng pinsala at ang katabi nitong poste.
Nagtalaga na ang Aleosan Police ng mga tauhang magbabantay sa tore ng NGCP sa nasabing lugar.
By Meann Tanbio
