Kasado na ang road reblocking ng Department of Public Works and Highways (DPWH) sa ilang pangunahing lansangan sa Metro Manila simula alas-11:00 mamayang gabi hanggang sa Lunes ng alas-5:00 ng umaga.
Apektado ng road reblocking ang EDSA, kanto ng NIA Road sa first at second lane northbound.
Habang may isasagawa ring reblocking sa Commonwealth Avenue mula Don Antonio Drive hanggang Luzon Avenue 3rd lane southbound at sa C.P. Garcia Street kanto ng Magiting Street 2nd lane southbound.
Samantala, magsasagawa naman ng asphalt overlaying sa westbound lane ng Ortigas Avenue mula alas-10:00 ng gabi ng March 12 hanggang alas-5:00 ng umaga ng March 13.
By Meann Tanbio
