Nasungkit ni Maine Mendoza ang titulong ‘Favorite Pinoy Personality’ sa katatapos lamang na 2016 Nickelodeon Kids’ Choice Awards.
Tinalo ni Maine ang ibang nominado para sa nasabing award na sina Enrique Gil, James Reid, at Kathryn Bernardo.
Hindi man personal na tinanggap ni Maine ang award dahil kasalukuyang nasa bakasyon ay nagpadala naman ito ng mensahe ng pasasalamat sa kanyang fans at supporters.
Matatandaang naging sikat si Maine a.k.a Yaya Dub dahil sa kanyang talent sa pagda-dubsmash at nang makapareha ang aktor na si Alden Richards sa kalyeserye ng noontime show na Eat Bulaga.
Samantala, natanggap naman na La Salle basketball star Jeron Teng ang Favorite Asian Sports Star award.
