Nanawagan ng political ceasefire o tigil putakan si House Speaker Feliciano Belmonte sa mga pulitiko ngayong Semana Santa.
Ayon kay Belmonte, dapat gamitin ng mga kandidato ang panahong ito para magnilay at muling pag-aralan ang kani-kanilang mga plataporma.
Umapela rin si Belmonte na bukod sa pansamantalang paghupa ng batuhan ng putik ng mga kandidato, dapat umakyat ng lebel ang mga ito para sa mas kapaki-pakinabang na mga programa para sa bayan.
2 buwan bago ang halalan sa Mayo, sinabi ni Belmonte na dapat gamitin ng mga kandidato ang panahong ito para ipakita ang kanilang selflessness at statesmanship o ang hindi paninira ng kapwa kandidato makakuha lamang ng puwesto sa gobyerno.
By: Jaymark Dagala
