Tila lie low ngayon ang Kapamilya singer-actress na si Sarah Geronimo matapos mapabalitang ayaw muna umanong tumanggap nito ng kahit anong proyekto.
Nagsimula ang usap-usapan matapos tiyakin ng kapwa hurado sa The Voice Kids na si Lea Salonga na siya at si Bamboo ay mapapanood pa rin sa Season 3 ng nasabing contest.
Nagtaka ang marami kung bakit hindi kasama sa siguradong magiging judge si Sarah gayong madalas pa naman siya mapili ng mga bagets bilang coach.
Isa sa hinihinalang dahilan ay ang planong pag-aaral ng singer-actress.
Matagal na rin nabanggit ni Sarah ang tungkol sa kanyang pagbabalik-eskwela dahil lahat umano ng kanyang kapatid ay nag-aaral.
Samantala, wala pang opisyal na pahayag ang inilalabas ng Viva na siyang namamahala sa career ni Sarah.
By Jenny Valencia
