Tinanggihan ng pamahalaan ang alok na tulong ng Indonesia para masagip ang kanilang mga kababayang binihag ng Abu Sayyaf sa Tawi-Tawi.
Ayon kay Presidential Communications Secretary Sonny Coloma, hindi pinapayagan ng Saligang Batas ang alinmang bansa na makialam o manghimasok sa operasyon ng Sandatahang Lakas ng bansa.
Binigyang diin ng kalihim na may ginagawang pakikipag-ugnayan ang dalawang bansa upang ligtas na mabawi ang mga bihag.
Nauunawaan ani Coloma ng gobyerno ang damdamin ng Indonesia dahil kaligtasan ng kanilang mga mamamayan ang nakasalalay.
By Jaymark Dagala | Aileen Taliping (Patrol 23)
