Patay ang 27 Indian performing artists kabilang na ang isang bata matapos na mahulog sa malalim na bangin ang sinasakyan nilang bus sa Eastern India.
Pauwi na ang grupo ng mga Indian artist mula sa kanilang performance nang mahulog ito sa bangin na may lalim na 76 na metro sa Deogarh district.
Kaugnay nito ay ipinag-utos na ni Deogarh Superintendent of Police Sara Sharma ang pagsasagawa ng imbestigasyon.
Isa ang India sa itinuturing na world’s deadliest roads kung saan halos 200,000 katao ang nasasawi bawat taon.