Dinagdagan ang mga security personnel at CCTV camera sa senado.
Layon nito na masiguro ang mahigpit na pagbabantay sa mga certificate of canvass at election return para sa presidential at vice presidential race.
Lahat ng lalakaran ng mga may bitbit na election documents ay may nakatututok na CCTV mula sa gate ng Senate building hanggang sa hallway kung saan pansamantalang inalis ang photo gallery ng mga senador.
Mayroon ding CCTV sa covered court na pag-iimbakan ng ballot boxes na naglalaman ng election returns, gayundin sa mga silid sa senado na pag-iimbakan naman ng mga envelope ng certificate of canvass.
By Meann Tanbio
