Nangako si Commission on Elections (COMELEC) Chairman Andres Bautista na tututukan ang hinaing ng mga gurong nagsilbing board of election inspector (BEIs) na hanggang ngayon ay hindi pa rin nababayaran sa kanilang naging serbisyo.
Ito ay matapos na sumugod sa tanggapan ng Commission on Elections ang grupo ng mga guro upang ipanawagan ang higit sa 100,000 pang mga guro na hindi nakakatanggap kanilang honorarium.
Ayon kay Bautista, nakausap na nya ang ilan sa mga finance staff ng komisyon kung saan kinumpirma na may ilan pang mga guro ang hindi pa nababayaran hanggang sa ngayon.
Una nang hinimok ng COMELEC ang mga guro na gamitin ang social media upang mabilis na matanggap at maaksyunan ang kanilang mga reklamo.
By Rianne Briones
