Walang pili si Makati City Representative Abigail Binay sa kung sino ang magiging running mate ng kanyang amang si Vice President Jejomar Binay sa 2016 national elections.
Pero, hiling ng mambabatas, payag siyang kahit sino wag lang si Senador Antonio Trillanes IV ang maka-tandem ng kanyang ama sa susunod na taon.
Binigyang diin ng nakababatang Binay, nariyan naman sina Senadora Grace Poe at Chiz Escudero para makatambal ng kanyang ama.
Matatandaang si Trillanes na handang sumabak sa mas mataas na posisyon sa gobyerno ay kabilang sa mga nangunguna sa imbestigasyon sa mga umano’y anomalyang kinasasangkutan ni VP Binay.
By Ralph Obina
