Patay ang tatlong bata sa sunog na tumupok sa 50 kabahayan sa bahagi ng Sitio Bagong Silang, Brgy. San Juan, Cainta Rizal.
Kinilala ni Cainta Police Chief Supt. Marlon Nilo ang mga biktima na sina Kevin, 6 na taong gulang, at Miko Espinosa, 14 na taong gulang at ang pinsan ng mga ito na si Coleen, 2 taong gulang.
Nagsimula ang sunog, alas-11:30 kagabi dahil sa napabayaang kandila at umabot sa ikaapat na alarma bago tuluyang maapula bago mag alas-2:00 kaninang umaga.
By Katrina Valle | Jopel Pelenio (Patrol 17)
