Mas pinaigting pa ng militar ang kanilang pagkilos upang masagip ang mga nalalabing bihag ng bandidong Abu Sayyaf.
Ito’y sa kabila ng patuloy pa ring paghahanap ng pinagsanib na puwersa ng militar at pulisya sa katawan ng natagpuang pugot na ulo sa Jolo, Sulu kamakalawa.
Ayon kay Major Filemon Tan, tapagsalita ng Western Mindanao Command ng AFP, walang magiging epekto sa umiiral na Ramadan ng mga Muslim ang kanilang magiging operasyon.
Bagama’t binibigyan nila ng kunsiderasyon ang mga kabaro nilang Muslim, magtutuloy-tuloy aniya sila sa operasyon dahil tanging layon nila sa ngayon ay masagip ang Norwegian na si Kjartan Sekkingstad.
By Jaymark Dagala
