Kumpyansa si Senadora Nancy Binay na malapit nang mahikayat si Senador JV Ejercito na sumama na sa binuong Super Majority sa Senado na sumusuporta kay Senador Koko Pimentel sa pagka-Senate President.
Ayon kay Senadora Binay, kung magkasama sila ni Ejercito sa Minority at seatmates pa sa 16th Congress, tiwala siyang magkakasama sila sa majority bloc sa 17th Congress.
Giit ni Senadora Binay, kinausap na niya si Ejercito tungkol sa bagay na ito at nakausap na rin ito ni Pimentel.
Una rito, sinabi ni Ejercito na gusto naman niyang maranasan na nasa panig siya ng mayorya dahil lagi siyang nasa Minority Bloc sa Kongreso.
Umaasa si Ejercito na magkakasundo na sina Pimentel at Senador Alan Peter Cayetano upang hindi na siya mahirapang magpasya kung aling Bloc sa Senado ang sasalihan.
By: Avee Devierte
