Napaluha si outgoing Vice President Jejomar Binay habang nagpapasalamat sa mga miyembro ng kanyang security group.
Hindi rin napigilang mapaluha ng ilan sa kasapi ng security group ni Binay na galing pa sa ibat’ ibang mga major service unit ng Armed Forces of the Philippines.
Ginanap ang huling pananghalian nang magkasamang Binay at mga miyembro ng kanyang security detail sa Coconut Palace.
Pagkatapos ng kanilang boodle fight, nagsalita si Binay kung saan inisa-isa niyang pinasalamatan ang kanyang security team at binigyan niya rin ang mga ito ng Certificate of Appreciation at simpleng regalo.
Sa pagtatapos ng panunungkulan ni Binay bilang Bise President, malilipat na rin ng assignment ang mga sundalong itinalaga para sa kanyang seguridad.
By: Avee Devierte
