Handa namang sagutin ng kampo ni Vice President-elect Leni Robredo ang isinampang protesta ni Senador Bongbong Marcos.
Ayon kay Georgina Hernandez, tagapagsalita ni Robredo, inaasahan na nila ito at nais nilang lamang pag-aaralan muna ang mga argumentong inilatag ng Marcos camp.
Welcome sa kanila ani Hernandez ang ginawang hakbang ni Marcos dahil mabibigyan sila ng pagkakataon para makasagot.
Sa huli, sinabi ni Hernandez na kumpiyansa silang matutuldukan na ang usapin ng dayaan at tiwala silang mababasura lamang ang nasabing protesta.
By Jaymark Dagala
