Isina-ilalim sa surprise drug test ang mga Heneral sa Philippine National Police kanina habang isinasagawa ang Command Conference ng mga pinakamatataas na opisyal sa PNP sa loob ng isang kwarto sa Kampo Crame.
Biglang inanunsyo ni PNP Chief Dir Gen Ronald Bato Dela Rosa na magsasagawa siya ng drug testing.
Wala nang nagawa ang mga Heneral dahil pinapasok na agad ni Gen. Dela Rosa ang mga miyembro ng PNP Crime Lab sa loob ng Conference Room.
Wala anyang exempted sa kanila, maging siya sumailalim sa drug testing. Kailangan anya ito para maging role model ang mga opisyal ng PNP bago sila pabalikin sa kani kanilang mga opisina sa ibat ibang Rehiyon sa bansa.
Bukas malalaman ang resulta ng drug test at ayon kay Bato sinumang magpopositibo ay ididismiss sa serbisyo
By: DWIZ Reporter Jonathan Andal
